Dal passato emerge una struggente epistola natalizia indirizzata a Gesù Bambino, scritta da un jatrinolese, imbarcatosi, agli inizi degli anni Cinquanta, “pe’ terre assai luntane…”

di MARIO CANNIZZARO

Letterina d’emigrato

Dal passato emerge una struggente epistola natalizia indirizzata a Gesù Bambino, scritta da un jatrinolese, imbarcatosi, agli inizi degli anni Cinquanta, “pe’ terre assai luntane…”

di Mario Cannizzaro

Caru Bambinu Gesù;

in occasioni du Santu Natali, Ti

scrivu da chisti luntani terri, ma

sempri cu immutatu affettu, pemmu

Tu, Bambinedu Divinu, poi

esaudiri lu me sognu.

– Volarriva ca sira da vigilia ieu

mi potarriva nzonnari, ca ambeci

u mi trovu ntà stà Merica, voliva u

sugnu ntà me terra e ntà me casa

chi jera ntà vineda, dà a Jatrinni

vicinu ntò confini i Redicina e

pemmu mi trovu pe na vota tantu

nzemi a li me vecchi e li me cari,

chi i quantavi chi vvinni ntà sta

 terra cchiù non vitti.

E valarriva u mi mangiu zzippuli e crispedi

appena cacciati da

padeda e pemmu i vagnu cu ddui

chiccari i vinu i chidu chi tenivamu nta casetta,

poi volarriva u ma bbuffu i vroccula ffucati e piparedi

bruscenti, i lardu, i sangunazzu e

di luppinu.

Perdunami Gesù Bambinu

amatu, sunnu tant’anni chi mancu

e ssù ffamatu, i tuttu da me terra

ssù ffamatu, i l’affettu, d’amuri, du

parlari, di i festi….e pecchinnò

puru du mangiari.

E volarriva u sentu i ceramedari

quandu nto paisi cu lu sonu nnunciavanu

ca tu Gesù Bambinu eri

natu.

E poi jornu di Natali voliva u

mangiu i maccarruni ca carni i

porcu e chida grassa, nzemi a li

me cari e cull’amici, fari na

partita e carti e stari natru pocu nta

me terra chi ndavi tant’anni cchiù

non biu, ma armenu ntà stu

sonnu mi la godu.

Ma sacciu ca è nu sognu e forsi

ntà me terra mai cchiù tornu e

pecchistu scrivu a Tia Gesù

Bambinu, fai ca prima u moru

aundi nescia pozzu tornari.

redazione@approdonews.it